Trátase dunha composición con imaxes de dúas das exposicións que formarán parte do programa, a de Jordi Borràs documentando o auxe da ultradereita en Europa, e unha de Javier Bernardo, quen co seu obxectivo foi testemuña directa do acontecido no lado español do valo de Melilla durante o masacre do 24 de xuño do 2022
O expresidente de Uruguai, Pepe Mujica, a responsable de investigación e política interior de Amnistía Internacional Virginia Álvarez ou Virginia Mielgo, coordinadora de proxecto do buque de rescate Geo Barents de MSF serán algúns dos relatores e relatoras que poderemos escoitar na Coruña
Sete mostras fotográficas que suman case 200 imaxes en gran formato volverán converter os Xardíns de Méndez Núñez nun espazo referente na defensa dos Dereitos Humanos
A Coruña, 13 de abril de 2023.- O odio será o fío condutor do Encontro Internacional Acampa pola Paz e o Dereito a Refuxio que se celebrará na Coruña entre os días 16 e 18 de xuño, alcanzando xa a sétima edición. Esta cita, que sen ningunha dúbida converte á urbe coruñesa durante uns días en cidade refuxio dos Dereitos Humanos, permitirá reflexionar sobre o auxe do odio contrapoñendo exemplos e experiencias de convivencia. Farao, como en anteriores ocasións, cun intenso programa que combina exposicións dos máis destacados fotoperiodistas con charlas e debates de relatores que traballan a pé de terreo naqueles espazos onde os Dereitos Humanos son pisados. Haberá, ademais, música, actividades paralelas das distintas organizacións que integran o Movemento Acampa pola Paz (actualmente máis de oitenta) e visitas guiadas ao xa tamén tradicional campo simulado ou ás mostras fotográficas de gran formato que balizarán os Xardíns.
“Odio ou convivencia” xa ten cartel. Trátase dunha composición que convidará o público a reflexionar sobre dous espazos de odio e despropósito: o que impón o auxe do fascismo en toda Europa e o masacre acontecido no valo de Melilla o 24 de xuño do pasado ano. As imaxes elixidas pertencen ao fotoperiodista Jordi Borràs, que leva anos documentando o crecemento da extrema dereita en Europa, e a Javier Bernardo, fotoperiodista sevillano testemuña directa do masacre de Melilla no lado español.
O expresidente uruguaio Pepe Mujica, que no marco do Encontro recibirá o III Recoñecemento Acampa á Defensa dos Dereitos Humanos na categoría internacional, será ademais un dos relatores participantes. A súa idade e estado de saúde fan imposible a súa viaxe ata Coruña pero estará presente nunha das mesas de debate programadas, entrando en streaming, desde a súa casa en Uruguai. Tamén contaremos con Virginia Álvarez, a máxima responsable de investigación e política interior de Amnistía Internacional, que nestes momentos pilota a investigación que a súa organización leva a cabo sobre o acontecido no valo de Melilla hai agora un ano, onde se produciu un masacre que deixou decenas de migrantes mortos e feridos e se conculcaron todos os dereitos a ambos os dous lados do valo. Outra das invitadas é Virginia Mielgo, a responsable de proxecto do buque de rescate Geo Barents, co que Médicos sen Fronteiras salva centos de vidas no Mediterráneo Central.
Muxes, o terceiro xénero na cultura zapoteca do sur de México
Entre as propostas expositivas programadas e como adianto, citar tres. Nuria Torres permitirá ao espectador asomarse á realidade dos muxes, un auténtico terceiro xénero na cultura zapoteca do sur de México, quen se integran na organización xenérica da comunidade e desenvolven roles socialmente recoñecidos tanto na organización sociocultural como no seo da familia. Hai unha actitude naturalmente permisiva cara á homosexualidade, o afeminamiento e o travestismo nesta parte do estado mexicano de Oaxaca onde as nais educan a un dos seus fillos en roles femininos tradicionais.
En segundo lugar, e da man de Óscar Corral, o público poderá subirse a cuberta do buque Aquarius naqueles días en que deambulaba sen rumbo, cunha carga humana de centos de migrantes extenuados, á espera dun país que lle acollese, cousa que finalmente fixo España a través do porto de Valencia.
A fotógrafa polaca Hanna Jarzabek levará ao observador que se enfronte ás súas imaxes ao centro mesmo do Bosque de Bialowieza, na fronteira entre Polonia e Bioelorrusia, un roteiro migratorio durísimo para calquera e aínda máis para as persoas non preparadas e alleas ao clima do nordés de Europa. Un espazo en que fronte á dureza e a inhumanidad da policía polaca, os veciños de varios pobos penétran no bosque para levar a alimentos e medicinas aos migrantes desorientados, ateridos de frío ou feridos que se esconden nel.
En definitiva, un ano máis, Rede Acampa pola Paz convida á cidadanía para reflexionar respecto a os espazos nos que crece o odio ao diferente, ao pobre, a todos aquilo que supoña un reto á cómoda sociedade capitalista, e a pararse a pensar o que iso significa, unha diminución preocupante dos dereitos de millóns de persoas e unha vulneración flagrante dos Dereitos Humanos; en definitiva, un enfraquecemento da sociedade que a aboca a repetir os erros do pasado.
Comentarios Recentes